-
Kalopati
धनगढी, बैशाख २५ ।
धनगढीमा गरिदै आएको राहत वितरणको कार्यक्रम लकडाउनको मर्म विपरित र अस्तव्यस्त देखिएको छ ।
धनगढी उपमहानगरपालिका वडा नं. १ मा वितरण गरिएको राहत वितरणमा राहत लिने मानिसहरुको भिड लागेको भएतापनि सामाजिक दुरी कायम नै नगरी राहत वितरण गरिएको छ ।
सन्त निरंकारी सत्संग भवनमा गरिएको राहत वितरणमा जम्मा भएका मानिसहरुले सुरक्षा किट (मास्क, ग्लब) नलगाएको देखिएको छ । त्यसका साथै उक्त भिडमा सामाजिक दुरी पनि कायम गरिएको छैन ।
त्यस्तै आज वितरण गरिएको राहत वितरणमा सम्पन्न र आफ्नै घर भएकाहरुले राहत पाएको र डेरामा बस्दै आएका र समस्यामा परेकाहरुले राहत नपाएको गुनासो गरेका छन् । एकपक्षिय ढंगबाट राहत वितरण गरिएको भन्दै आमसर्वसाधरण आक्रोशित बनेका छन् ।
