-
Kalopati
नयाँदिल्ली, वैशाख २९ ।
छिमेकी मुलुक भारतमा महामारीका रूपमा फैलिएको कोरोना भाइरसबाट संक्रमितको संख्या ६७ हजार नाघेको छ । केन्द्रीय स्वास्थ्य मन्त्रालयले भारतमा संक्रमितको संख्या ६७ हजार एक सय ५२ पुगेको पुष्टि गरेको छ ।
मन्त्रालयका अनुसार विगत चौबीस घण्टामा विभिन्न क्षेत्रमा गरी चार हजार दुई सय १३ जनामा संक्रमण देखिएको छ । केन्द्रीय स्वास्थ्य मन्त्रालयले ४४ हजार २९ जना संक्रमितको उपचार भइरहेको र २० हजार नौ सय १६ संक्रमित उपचारपछि निको भएर घर फर्किएका जनाएको छ ।
सरकारी तथ्यांकअनुसार आइतबारसम्म भारतमा कोरोना भाइरसका कारण दुई हजार दुई सय ६ जनाको मृत्यु भइसकेको छ । -बीबीसी
