-
Kalopati
काठमाडौं । आन्तरिक राजस्व कार्यालय महाराजगञ्जमा कार्यरत कम्युटर अधिकृतलाई अख्तियारले घुस रकम सहित नियन्त्रण गरेको छ । ललितपुर महानगरपालिका–१७ सुन्धारा घर भएकी ५१ वर्षीया बिन्दु श्रेष्ठ प्रधानलाई अख्तियारले घुस रकम सहित नियन्त्रण गरेको हो ।
उनलाई साउन १८ मा कार्यालयबाट ३० हजार घुस रकमसहित नियन्त्रणमा लिएको हो । अख्तियार दुरुपयोग अनुसन्धान आयोगका अनुसार कम्युटर बिलिङको सफ्टवेयर स्वीकृति गराउन जाँदा सेवाग्राहीलाई हैरानी दिएर उनले घुस मागेकी थिइन् । सो सूचनाको आधारमा आयोगबाट खटिएको टोलीले उनलाई नियन्त्रणमा लिएर अनुसन्धान गरिरहेको छ ।
