-
Kalopati
सत्तारुढ गठबन्धनमा राष्ट्रियसभा निर्वाचनको १९ सिटको भागबण्डामा सहमति भएको छ । प्रधानमन्त्रीको सरकारी निवास बालुवाटारमा सोमबार विहान बसेको बैठकले राष्ट्रिय सभा निर्वाचनको १९ सिटको भागबण्डा मिलाएको हो ।
सहमति अनुसार कांग्रेसको भागमा ६, माओवादी केन्द्र र एकीकृत समाजवादीको भागमा ५–५, जसपाले २ र जनमोर्चाले १ सिट परेको छ ।
आगामी माघ १२ गते हुने राष्ट्रिय सभा निर्वाचनका लागि भोलि मंगलबार उम्मेदवारी दर्ता हुँदैछ । १९ सिटका लागि माघ १२ गते चुनाब हुन लागेको हो । सत्तारुढ गठबन्धनमा आबद्ध दलहरू काँग्रेस, माओवादी, एकीकृत समाजवादी जसपा गठबन्धन बनाएर चुनावमा जाने तयारीमा छन् ।
