-
Kalopati
काठमाडौं । पद्मकन्या क्याम्पसमा त्रिविको परीक्षा रोक्न माग गर्दै प्रदर्शन गर्ने ६ जनालाई प्रहरीले पक्राउ गरेको छ । ‘नो भ्याक्सिन, नो एक्जाम’ भन्दै नाराबाजी गरिरहेका ६ जनालाई नियन्त्रणमा लिएको काठमाडौं प्रहरी प्रमुख अशोक सिंहले जानकारी दिए ।
परीक्षामा धेरै भीडभाड हुने भन्दै विद्यार्थीहरुले पद्मकन्या क्याम्पस अगाडि प्रदर्शन गर्दै परीक्षा रोक्न माग गरेका हुन् । उनीहरुमध्ये केहीले कलेजको बाहिर प्रदर्शन गरेका छन् भने केहीले कलेज परिसरभित्र पुगेरै प्रदर्शन गरेका छन् ।
यसअघि त्रिभुवन विश्वविद्यालयले परीक्षाको तालिका आइसकेको भदौ ५ गतेसम्मको परीक्षा स्थगित नगर्ने भन्दै यथावतमै सञ्चालन गर्ने निर्णय गरेको थियो ।
