-
Kalopati
धनगढी, जेठ ११ ।
धनगढी लगाएत आसपासका क्षेत्रमा केही महिना यता हरेक बाहानामा हुने गरेको अघोषित लोडसेडिङ्गले सेवाग्राही मारमा परेका छन् । लकडाउनको बाद्यात्मक परिस्थितिमा तराई क्षेत्रमा गर्मी बढ्दै जान थालेपछि उप–महानगरपालिका सहित आसपासका क्षेत्रका सेवाग्राही समस्यामा परेका हुन् ।
पछिल्लो केहिदिन यता धनगढीलगाएत आसपासका क्षेत्रमा अत्यधिक गर्मी बढेसंगै अनियमित विद्युत कटौती हुन थालेपछि दैनिकी कष्टकर बनेको सेवाग्रीहरुले गुनासो गरेका छन्। जहिले पनि गर्मी मौसम तथा पानि पर्दा र सामान्य हावाहुरी चल्दा विद्युत प्र शारण लाईनका विभिन्न उपकरणमा खरावी देखिनु भनेको विद्युत प्रधिकरणको गैर जिम्मेवारी कार्य भएको भन्दै सर्वसाधरणले विरोध गर्न थालेका छन् ।
धनगढीमा हुने अनियमित लोडसेडिङ्गका कारण विद्युतिय उपकरणमा समेत खराबी आएको भन्दै स्थानियले गुनासो छन् । धनगढी वितरण केन्द्रले विभिन्न वाहाना बनाएर विद्युत कटौती गर्दा गृहणी, विद्यार्थी, उद्योगी, व्यापारीहरुले समस्या झेल्नु परेको छ भने विद्युत नभएपछि पंखा, एसी, कुलर लगायतका उपकरण चलाउन नपाउँदा गर्मी कटाउन मुस्कील परिरहेको छ। झण्डै ५७ हजार भन्दा बढी सेवाग्राही भएको धनगढी वितरण केन्द्रमा यो समस्या बढी देखिएको छ।
