-
Kalopati
डडेल्धुरा, जेठ ७ ।
डडेल्धुरामा स्वास्थ्यकर्मीको नक्कली परिचयपत्र बोकेर हिँड्ने दुई युवक पक्राउ परेका छन्। लकडाउनको समयमा सवारी चेकजाँच गर्ने क्रममा प्रहरीले अछाम चौरपाटी १ का चन्द्रबहादुर साउद र अछाम सिउडी बस्ने जितबहादुर साउद पक्राउ गरेको हो ।
धनगढीबाट अछाम जान लागेका दुई युवालाई डडेल्धुराको स्याउले बजारमा पक्राउ गरिएको थियो । ‘उनीहरुले अर्कै स्वास्थ्यकर्मीको कार्ड बोकेको भेटिएपछि पक्राउ गरिएको हो’ जिल्ला प्रहरी कार्यालय डडेल्धुराका प्रहरी नायव उपरीक्षक दधिराम न्यौपानेले भने। पक्राउ परेका दुवैलाई जिल्ला प्रशासन कार्यालयमा बुझाएको उनले बताए।
