-
Kalopati
राष्ट्रिय क्रिकेट टोलीका कप्तान सन्दीप लामिछानेविरुद्ध बलात्कार र करणीको किटानी जाहेरी दर्ता भएको छ । प्रहरी वृत्त गौशालामा सन्दीपविरुद्ध जाहेरी दर्ता भएको हो। लामिछानेमाथि लागेको अभियोग पुष्टि भए बलात्कार गरेको अभियोगमा १० वर्षदेखि १२ वर्षसम्म कैद सजाय हुने कानुनी प्राबधान छ ।
१७ बर्षे बालीकाको अनुसार स्न्यापच्याट र हवाट्एप मार्फत कुराकानी भएपछि नाबालिगलाई सन्दीपले घुम्न लगेका थिए । आफूलाई नगरकोटमा लगेर घुमाएको पीडितले जाहेरीमा उल्लेख गरेकी छिन् । प्रहरी स्रोतका अनुसार बालिकाको स्वास्थ्य परीक्षण गराएर प्रारम्भिक अनुसन्धान सुरु भएको छ।
बलात्कार भएको भनिएको स्थानमा क्लोज सर्किट (सीसी) टीभी फुटेज पनि प्रहरीले संकलन गर्न थालेको छ भने होटलका कर्मचारीसँग पनि सोधपुछ थालेको छ । अनुसन्धान अधिकृतहरूका अनुसार एयरपोर्ट स्थित शम्भु मार्गमा रहेको काठमाडौँ इन होटेलमा लगेर सन्दीपले बलात्कार गरेको आरोप छ ।
