-
Kalopati
काठमाडौं । बुधबार नेप्से परिसूचक बढेको छ । मंगलबारको तुलनामा नेप्से परिसूचक १४.३७ अंकले बढेर २२३१.५७ बिन्दुमा पुगेको हो । बुधबार कुल २२६ कम्पनीको २६ लाख ९४ हजार ४ सय २९ कित्ता सेयर खरिद बिक्री हुँदा १ अर्ब ०४ करोड माथिको सेयर कारोबार भएको छ ।
आज सबैभन्दा बढी कारोबार अपर तामाकोशी हाईड्रोपावरको भएको छ । यस कम्पनीको ८ करोड ३४ लाख ८ हजार ७ सय ४७ रुपैयाँ बराबरको सेयर कारोबार भएको हो । यस्तै बुधबारको सेयर बजारमा कर्पोरेट डेभलपमेन्ट बैंकका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा ७.१३ प्रतिशत भन्दा धेरैले घटेको हो ।
