-
Kalopati
काठमाडौं । नेपाली कांग्रेसको १४औँ महाधिवेशनको रोक्न माग गर्दै सर्वोच्च अदालतमा दायर भएको रिट न्यायाधीश प्रकाश कुमार ढुंगानाको इजलासमा परेको छ । कांग्रेसका वाग्मती प्रदेशसभा सदस्य नरोत्तम वैद्यले महामारीका बेला महाधिवेशन गर्दा लाखौँको स्वास्थ्य जोखिममा पर्ने भन्दै रिट दायर गरेका हुन् ।
न्यायाधीश ढुंगानाको इजलासमा पेसी तोकिए आठौँ नम्बरमा मात्रै पालो आउने भएकाले आज सुनुवाइको सम्भावना कम रहेको छ ।
कांग्रेस महाधिवेशन आगामी मंसिर ९ देखि १३ गतेसम्म तोकिएको छ । महाधिवेशनका लागि भदौ १८ देखि वडा तहका अधिवेशन शुरू भइसकेका छन् ।
